Të rinjtë e mbledhur përpara Bashkisë së Tiranës kanë akuzuar kryebashkiakun Erion Veliaj për qëllime klienteliste në dëm të xhepave të qytetarëve të Tiranës.
“Drejtim skandaloz i partisë. Kush përfiton?! Kryeqytetasit nuk përfitojnë, përfiton kryebashkiaku dhe subjektet klienteliste. Ne nuk duam të heshtim, jemi këtu për të protestuar.”, është shprehur njëra prej protestuesve.
I pranishëm në protestën para bashkisë ishte edhe vëllai i 17-vjeçarit Ardit Gjoklaj që u gjet i vrarë në landfillin e sharrës. “Ndodhem këtu pasi dua drejtësi për vëllanë tim.”,është shprehur Ardian Gjoklaj teksa shoqërohej nga thirrjet “Unë jam Arditi”. Ata kanë vendosur qese me plehra përpara bashkisë.
Paralelisht me këtë protestë po zhvillohet protesta përpara ministrisë së Arsimit ku protestuesit kanë lidhur derën me zinxhir. “Nikolla duhet të dorëhiqet. Mos bëni biznes me të ardhmen tonë”, shprehen ata.
Nuk i ka shpëtuar protestuesve edhe ministri i Shëndetësisë, Ilir Beqaj. Të mbledhur përpara kësaj ministrie, të rinjtë kanë vendosur një arkivol shoqëruar me thirrjet adresuar ministrit të cilësuar si i korruptuar.
Së fundmi, dhjetëra të rinj i janë drejtuar Kryeministrisë për të protestuar kundër ligjit për importin e plehrave. Shumë prej tyre kanë bllokuar rrugën kryesore duke u ulur në gjunjë në mes të rrugës.
https://youtu.be/0MTMq4C3jEk
Discussion about this post