Vëllai i Balilit denoncon: “Po na trajtojnë si kriminelë” Lista e banesave të kontrolluara

Një ndër vëllezërit e të shumëkërkuarit Klement Balili, Bashkim Balili, ka denoncuar së fundmi policinë për kontrollin e beftë teksa ishin në gjumë dhe trajtimin si kriminelë të tyre.

Vëllai i të ashtuquajturit “Eskobari i Ballkanit” ka rrëfyer për një televizion se i janë marrë dy djemtë, 16 dhe 18 vjeç, të cilët nuk janë gjendur ende.

“Jemi shtetas shqiptarë, punëtorë. Nuk është hera e parë që na ndodh kjo. Nuk jemi trafikantë vrasës, kriminelë. Erdhi policia sot në katër e gjysmë të mëngjesit. Në mënyrë të përsëritur ka ardhur, ka mbledhur të gjithë fisin, burrat, i kanë vënë prangat. Kanë marrë djemtë e mi, 16 dhe 18 vjeçar në drejtim të paditur. Jemi shqiptarë, jemi të barabartë para ligjit. Në banesë ka qenë gruaja dhe fëmijët e mi. Unë s’kam qenë në shtëpi. Më kanë çuar djalin nga krevati mi kanë vënë prangat. I gjetën një letër. Çfarë duan të bëjnë? Të na vrasin? Unë jam i ndershëm, duhet të na mbrojë drejtësia. Më kanë marrë dy djemtë.”, është shprehur ai.

Deri tani mësohet se janë kontrolluar 10 banesa, 3 hotele, ndërkohë që janë shoqëruar 11 të afërm të Balilit, një pjesë e të cilëve janë lënë të lirë.

Janë kontrolluar:

1 . Banesa e Klement Balilit në Stjar/Delvinë;

2 . Banesa e B. B në Stjar/Delvinë;

3 . Banesa e S. B.,në Stjar/Delvinë;

4 . Banesa e H.B, në Stjar/Delvinë;

5 . Banesa e Th, F, në Sarandë;

6 . Banesa e Th. F, (e dyta) në Sarandë;

7 . Banesa e Th. F, në Sarandë;

8 . Banesa e E. Sh, në Sarandë;

9.  Banesa e A. S, në Sarandë;

10. Banesa e A.H në Sarandë.

Janë shoqëruar në komisariat:

1 . H. B.

2 . S. B;

3 . B. B;

4 . J. B;

5 . Th. F;

6 . A. B;

7 . E. Sh;

8 . V. H;

9 . A. S;

10 . D. B;

11 . E. A.

(XH.A/SHUPLAKA)