Artur Metani është votuar pak minuta më parë si kryetar i Inspektoratit të Lartë të Drejtësisë. Ai mori 98 vota pro, ndërsa në garë ishin edhe Sokol Stojani, Joana Sorraj, Eris Hysi dhe Lindita Troja. Deputetja e Partisë Socialiste, Eglantina Gjermeni nuk mori pjesë në votim për shkak të konfliktit të interesit.
Kryetari i Kuvendit, Gramoz Ruçi deklaroi në nisje të votimit se Gjermeni ka deklaruar konfliktin e interesit pasi e ka vëlla Artur Metanin. Pas votimit, deputetët në sallë duartrokitën kandidaturën e Metanit, i cili më pas u betua para Kuvendit për marrjen e detyrës së re.
Po ashtu, gjatë seancës u votua edhe emri i Milva Ekonomit si kryetare e Komisionit të Ekonomisë. Ajo mori 84 vota pro dhe do të zërë vendin e Arben Ahmetajt.
Discussion about this post