Gani Thaçi, vëllai i presidentit të Kosovës Hashim Thaçi, dyshohet se ka rrahur dy persona brenda zyrës së Byrosë Kosovare të Sigurimeve. Lajmi është bërë i ditur nga mediet Kosovare, ndrësa thuhet se ngjarja ka ndodhur në orën 12:00.
Zëdhënësja e Policisë së Kosovës për rajonin e Prishtinës, Flora Ahmeti, është shprehur për mediat kosovare se rreth orës 12:00, Policia ka marrë informacionin se në rrugën Lidhja e Pejës, në Prishtinë, ka ndodhur një përleshje fizike mes tre personave.
“Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore të cilat konform rekomandimeve të prokurorit të shtetit i cili, po ashtu, ka dalë në vendin e ngjarjes, po ndërmarrin veprimet e mëtejshme hetimore e procedurale”, ka deklaruar zyrtarja e Policisë së Kosovës.
Ende nuk dihen shkaqet e këtij konflikti, ndërsa policia po punon për zbardhjen e plotë të ngjarjes.
(B.B/ Faxweb.al)
Discussion about this post