“Ça do të premtojë LSI-ja do ta premtoj unë, por do ta jap paradhënie, vetëm nga inati”.
Me këto fjalë, vëllai i Afrim Bakut, ish-drejtori i emëruar nga PS-ja në AKU-në e Durresit, i ka telefonuar një mbështetësi të LSI-së duke i bërë ofertë që vetëm e vetëm të mos votojë për LSI-në. Ai e fton edhe për kafe, teksa Sul Hida, mbështetësi i LSI e ka publikuar bisedën në rrjetet sociale.
Reagimi i Sul Hidës:
Mua nuk më blen dot as vëllai i Afrim Bakaj, as ndonjë eksponent i lartë i PS Durrës dhe askush për asgjë!
Miqtë e mi,
Mos e shisni Votën!
Vota është vullnet i lirë, vota është e fshehtë!
Unë ftoj cdo mik, shok, të njohur mos bjerë pre e ofertave, joshjeve, presioneve! Askush mos trembet, askush mos tutet, as paraja e as presionet për humbjen e vendit të punes, nuk do të ndalin verdiktin e qytetarëve më 25 Qershor!
Më besoni, askush nuk blen e shet pa një çmim!
Vota nuk ka çmim!
Vota është e ardhmja ime, e ardhmja jote, e ardhmja femijëve të tu!
Votoni për Durrësin, Votoni kundër arrogancës, hajdutërisë, makuterisë!
Votoni me shpirt, votoni me zemër!
#UneVotojNr1
#NjëShansPërDurrësin
(M.D/Shuplaka)
Discussion about this post