Pas vendimit të dhënë nga Gjykata e Fierit për të dënuar me burg përjetë për Albert Zekajn, kanë reaguar dhe familjarët e viktimës Kreshnik Beqiraj. Vëllai i të ndjerit, Donjet Beqiraj, është shprehur se ai dhe familja e tij e kundërshtojnë vendimin, dhe ka thënë se çështja do të apelohet në organet më të larta gjyqësore.
Sipas tyre vendimi është dhënë në një kohë kur ende nuk është vërtetuar që eshtrat e gjetura janë të Kreshnik Beqiraj. Familja e Beqirajt vazhdimisht ka denoncuar në media, procesin e hetimeve, dhe ka kërkuar që të vendoset drejtësi për jetën e të riut.
Tre ditë përpara se të vritej dha masakrohej nga Zekaj, 36 vjecari Beqiraj kishte vizituar të atin dhe i kishte thënë se do ta nxirrte Albertin nga banesa pasi nuk paguante qeranë. Zeka dhe Beqiraj janë njohur në Belgjikë, ku mendohet se kanë qënë në bùrg bashkë.
Pas daljes nga bùrgu, Zeka qëndronte në Fier bashkë me shokun e tij duke marrë një banesë me qera. Beqiraj fillon punë në një pikë tregtimi bojrash, ndërsa Zeka nuk kishte një punë fikse. Polica tha se Zekaj e ka vrarë shokun e tij me një çekiç e më pas e ka transportuar trupin me makinë në afërsi të fshatit Daullas.
Pas kësaj, Zekaj largohet nga Fieri dhe jeton në Tiranë i qetë deri në Janar të vitit 2018, kur policia nisi hetimet për një vrasje ose rrëmbim të mundshëm të 36-vjeçarit Beqiraj. (E.K/Faxëeb.al)
Discussion about this post