Vëllai i ministrit Xhafaj ‘koka’ e trafikut të drogës në Itali/ Dalin detajet, si i dha 1 kilogramë heroinë agjentit të DEA-s

Partia Demokratike në një konferencë për mediat nga selia blu, ka publikuar sot dokumenta ekskluzive pjesë e dosjes së Gjykatës italiane për vëllain e ministrit të Brendshëm, Fatmir Xhafaj.

Gazmend Bardhi, ish-ministër teknik i Drejtësisë , ka thënë se Agron Xhafaj është dënuar 7 vite burg për pjesëmarrje në një grup kriminal.

Në dokumentet e palës italiane, tha Bardhi rezulton se vëllai i ministrit i ka dorëzuar 1 kilogramë heroinë një agjenti të inflirtuar.

“Me vendim nr 2232, i 2012, i Gjykatës së Lartë të Italisë është rrëzuar kërkesa e Xhafës duke lënë në fuqi dënimin me 7 vjet burg. Për pasojë ai është i dënuar me vendim gjyqësor të formës së prerë. Agron Xhafaj është dënuar për pjesëmarrje në grup kriminal për trafik ndërkombëtar mes Europës dhe SHBA-së për drogën. Marrëveshja ishte për shkëmbim të drogës mes grupeve. Në operacionin e drogës merrte pjesë si i infiltruar një agjent i DEA-s, të cilit iu dërguar 1 kg heroinë që e siguroi Agron Xhafaj”, – tha Bardhi.

(F.G/Faxweb.al)