Është shkarkuar nga detyra shefi i qarkullimit rrugor në Dibër, Robert Aga.
Shkarkimi i tij vjen një ditë pas arrestimit të vëllait të tij Pajtim Aga, të cilit iu kap një sasi lëndësh narkotike.
Pajtim Aga, u arrestua nga të blutë e Lezhës mesditën e djeshme, pasi u kap me një sasi hashashi e llojit çokollatë, në makinën e tij, të cilën dyshohet se e kishte bërë gati për shitje.
Aga u vu në pranga pas një operacioni që u shtri në disa qytete të vendit, dhe synonte kapjen e personave që merreshin me trafikim të lëndëve narkotike.
Ai ishte arrestuar dhe më herët në vitin 2016 pasi ishte kapur me rreth 320 gramë kokainë.
Robert Aga i njohur edhe si Bert Aga është shefi i komisariatit të Policisë së Dibrës, të cilin Partia Demokratike e ka denoncuar si kreu i një grupi kriminal që ka blerë votat dhe prishur zgjedhjet e 11 shtatorit.
Në datën 1 shtator PD-ja e ka kallëzuar në prokurori Bert Agën për zgjedhjet në Dibër, ndaj të cilit kanë nisur hetimet disa ditë më parë.
(E.K/Faxweb.al)
