Vëllai i Ballist Morinës, ka treguar momentet kur është arrestuar Ismail Morina në Kroaci dhe shqetësimet e tij dhe të familjes.
Kujtimi tregon në emisionin “Studio e Hapur” me gazetaren Eni Vasili në “Neës24”, se ai u nis për të ardhur në Shqipëri për të kapur varrimin e babait ku është arrestuar në Kroaci dhe i është përmendur menjëherë fjala ekstradim.
“i erdhi në vendin tonë, pasi ndërroi jetë babai, në mënyrë që të kapte varrimin. Mori një letër në konsullatën në Milano në atë kohë, në mënyrë që të udhëtonte drejt Shqipërisë. Por ai kishte problemin e pasaportës, pasi e kishin ndaluar autoritetet tona. Por ai udhëtoi me dokumentet italiane, bashkë me vëllain tjetër. Më datë 12 qershor ata janë kapur 2 km afër fshatit Grudë, nga patrullat e policisë kroate. Dhe menjëherë iu ka përmendur fjala ekstradim”, thotë ai.
Kujtimi ka treguar edhe se çfarë i kishte thënë atij kur ngriti droning në stadiumin e Beogradit.
Hera e fundit që e kam takuar ka qenë para 2 javësh. Ndërsa para disa ditësh e ka takuar djali im.
Edhe kur ngriti flamurin në stadiumin e Beogradit unë u shqetësova. I thashë se ai kishte familje, kishte fëmijë, dhe kjo gjë mund të përbënte rrezik për jetën e tij. Mund të mos kthehej i gjallë nga Serbia”, u shpreh ai (B.H/Shuplaka)
