Vëllezërit Agron dhe Armando Duka humbin nënën e tyre: Qindra mesazhe ngushellimi për mësuese Vajdien (Heqin dorë nga ceremonia mortore)

Vëllezërit Armando dhe Agron Duka kanë humbur njeriun e tyre të shtrenjtë, mamanë.

Në një postim në Facebook, Agron Duka ka njoftuar nëna e tyre ka ndërruar jetë në moshën 81-vjeçare dhe si pasojë e kohës që po jetojmë ato kanë hequr dorë nga zakonet e moçme të morteve.

“Me hidhërim të thellë njoftoj ndarjen nga jeta, të nënës sonë Vajdie Duka, në moshën 81 vjeçare e cila ka qenë drita e shtëpisë tonë dhe drita e dijes e shumë nxënësve përgjatë karierës së saj si mësuese. Një humbje e madhe që lehtësohet vetëm nga dashuria me të cilën ka mbushur përherë zemrat tona dhe gjithë të afërmëve të saj.

Të dashur miq, koha e pazakontë në të cilën jetojmë na detyron të heqim dorë nga zakonet e moçme falë të cilave kemi qenë afër njëri-tjetrit edhe në hidhërime, prandaj të gjitha ritet do t’i zhvillojmë pas kalimit të kësaj situate.

Në emrin tim dhe të familjes sime, ju falenderoj për mesazhet tuaja!”- shkruan Duka.