Është finalizuar operacioni polícor “Investimi”, për identifikimin, gjurmimin dhe sekuestrimin e aseteve të përfituara nga veprimtaria kríminale. Vendosen sekuestro preventive ndaj pasurive të dy vëllezërve Shkëlzen dhe Edmond Hoxha, të dy me rekorde të theksuara kríminale, pasuri që kapin vlerën e tregut rreth 3.700.000 euro. Të dy këta persona janë të përfshirë në ngjarje kriminale të ndodhura në shtetin belg, që përfshijnë vrásjen dhe trafikimin e grave për qëllime prostitucioni.
Dy vëllezërve iu sekuestrua: 4 apartamente në Tiranë, 2 apartamente në Sarandë, 1 ambient biznesi trekatësh në Laprakë; 1 njësi tregtare, 1 palestër, 7 garazhe dhe dy aktivitete biznesi në Tiranë; 4 automjete BMË X5 dhe llogari bankare në euro, usd dhe lekë dhe gjendjen aktuale në këto llogari në tri banka të nivelit të dytë;
Njoftimi i plotë i policisë: Nga Seksioni për Hetimin e Pastrimit të Parave dhe Aseteve Kríminale në Drejtorinë Vendore të Polícisë Tiranë, në kuadër të operacionit polícor “Investimi”, për identifikimin dhe gjetjen e aseteve kríminale që rrjedhin nga veprimtaria kríminale, në bashkëpunim me Prokurorinë pranë Gjykatës së Shkallës së Parë Tiranë, në funksion të procedimit penal të vitit 2019, pas provave të grumbulluara gjatë një hetimi njëvjeçar, u bë ekzekutimi i vendimit për vendosjen e sekuestros preventive ndaj pasurive të luajtshme dhe të paluajtshme në ngarkim të shtetasve: Sh. H. 43 vjeç dhe E. H., 42 vjeç, banues në Tiranë (vëllezër).
Shtetasi Sh. H. ka rekorde kríminale në shtetin e Belgjikës, ku ka kryer një vrásje para disa vitesh. Në vitin 2009 të dy vëllezërit Sh. H e E. H. dhe 4 shtetas të tjerë janë arrestuar nga Polícia Gjyqësore Federale në Gent, Belgjikë, si pjesëtarë të një grupi kríminal, për veprat penale “Trafikimi i grave për prostitucion” dhe “Substancat narkotike”.
Shtetasi E. H. ka rekorde kríminale në shtetin e Belgjikës, ku ka qenë i përfshirë në hetime nga Prokuroria e Gentit/Belgjikë në dosjen “GIRANA” të vitit 2008, për veprat penale “Trafikim i qenieve njerëzore me qëllim shfrytëzimi për prostitucion” dhe “Pjesëmarrje në organizatë kríminale”. Në këtë dosje shtetasi E. H. ka qenë i dyshuari kryesor dhe është arrestuar në Belgjikë, në datën 02.02.2009. Gjithashtu rezulton se nga viti 2002 deri në vitin 2009, ka qenë i burgosur në Belgjikë, për veprën penale “Trafikim dhe shfrytëzim i prostitucionit”.
Prokuroria pranë Gjykatës së Shkallës së Parë Tiranë, në bazë të materialeve të dërguara nga Seksioni për Hetimin e Pastrimit të Parave dhe Aseteve Kríminale në Drejtorinë Vendore të Polícisë Tiranë bëri regjistrimin e procedimit penal në vitin 2019, për veprat penale “Pastrimi i produkteve të veprës penale ose të veprimtarisë kríminale”.
Pas një pune të mirorganizuar të strukturave të Polícisë në Drejtorinë Vendore të Polícisë Tiranë të udhëhequra dhe të koordinuara me Prokurorinë pranë Gjykatës së Shkallës së Parë Tiranë, si dhe plan-operacionit “Investimi” u bë e mundur që të sekuestrohen asete dhe llogari bankare në shumën 3.700.000 euro, konkretisht: 4 apartamente në Tiranë, 2 apartamente në Sarandë, 1 ambient biznesi trekatësh në Laprakë; 1 njësi tregtare, 1 palestër, 7 garazhe dhe dy aktivitete biznesi në Tiranë; 4 automjete BMË X5 dhe llogari bankare në euro, usd dhe lekë dhe gjendjen aktuale në këto llogari në tri banka të nivelit të dytë;
Në funksion të planit operacional “Investimi”, në bashkëpunim me Prokurorinë pranë Gjykatës së Shkallës së parë Tiranë po punohet për të identifikuar/zbuluar asete (prona) të tjera që rrjedhin nga aktiviteti kríminal i këtyre shtetasve dhe familjarëve të tyre, të cilat mund t’i kenë në emër të personave të tjerë apo bashkëpunëtorëve në këtë aktivitet kríminal. (E.K/Faxweb.al)
