Vend pune në Kryeministri në këmbim të seksit, si i mashtronte vajzat në Facebook “menaxheri i reklamave”

Policia e Tiranës ka nisur hetimet për një menaxher reklamash i cili ka mashtruar tre vajza duke u premtuar shuma të mëdha parash në këmbim të marrëdhënieve seksuale, por dhe një vendi pune në Kryeministri.

Nëpërmjet një profili të rremë me emrin “Denisa Strakosha” në Facebook, dyshohet se një person kontaktonte vajza të reja dhe më pas u ofronte që të merrnin pjesë në reklama.

Pasi komunikonte me vajzat ky profil i rremë në Facebook, për t’i bindur vajzat që të kryenin marrëdhënie seksuale u ofronte edhe vend punë në Kryeministri.

Personi hiqej si femër dhe u thoshte vajzave se do të qëndronin me menaxherin për disa orë në këmbim të shumave prej 1200 euro, por edhe do të përfitonin vend pune në administratë.

Hetimi i Policisë ka nisur pas kallëzimit të një 45-vjeçareje, e cila është mashtruar nga personi në fjalë.

Polica ka nisur punën për identifikimin dhe kapjen e autorit. (A.R/SHUPLAKA)