Për të disatin vit rradhazi, Lëvizja Rinore për Integrim ka pritur në Jalë rreth 400 të rinj nga e gjithë bota në festivalin veror të forumit rinore të internacionales socialiste.
Pjesëmarrësit e shumtë të këtij festivali vinë nga disa vende të botës si: Argjentina, Armenia, Austria , Bjellorusia, Belgjika, Bullgaria, Kili, Kolumbia, Kroacia, Republika Çeke, Kongo, Republika Domenikane, Finalnda, Franca, Gjeorgjia, Gjermania, Greqia, Hollanda, Zelanda e Re, Norvegjia, Palestina, Filipinet, Portugalia, Spanja, Suedia, Zvicra, Çadi, Uganda, Ukraina, Urugaj , SHBA, Venezuela, Hungaria, Idnia, Irlanda, Italia, Libani, Mexico dhe Nepali.
Kampingu veror në Jalë startoi të shtunën ku nuk ka munguar pjesëmarrja e kryetarit të Kuvendit, njëherësh Presidenti i Zgjedhur, Ilir Meta si dhe kryetarja e LSI-së Monika Kryemadhi.
Në fjalën e tij, Meta theksoi se IUSY ka dhënë një kontribut të veçantë për të zhvilluar demokracinë në vendin tonë.
Ai apeloi për bashkëpunim midis të rinjve kudo, edhe këtu në Shqipëri. “Vetëm në këtë mënyrë, edhe Bota edhe Evropa, edhe Shqipëria, dhe Rajoni ynë do të kenë ndryshime më pozitive për të rinjtë”, tha Presidenti i Zgjedhur. (E.K/SHUPLAKA)
