Ambasada Amerikane ka zgjedhur që të bëjë urimin për të gjithë shqiptarët në zgjedhje. Ajo fton qytetarët që të marrin sa më shumë pjesë në zgjedhje pasi ato janë një festë për demokracinë.
“Urimet më të mira për shqiptarët sot, teksa ushtrojnë të drejtën e tyre themelore demokratike për të votuar.
Ne kemi nderin të kemi 34 ekipe të Ambasadës së Shteteve të Bashkuara, të cilët do të vëzhgojnë votimin dhe numërimin në të gjithë vendin.
USAID do të mbështesë edhe 540 ekipe të tjera vëzhguese vendore të shoqërisë civile kudo në Shqipëri. Zgjedhjet janë një festë për demokracinë! Bëjeni zërin tuaj të dëgjohet! Votoni! Ambasadori Donald Lu”, thuhet në njoftimin e ambasadës.
(E.K/SHUPLAKA)
