Me firmën e Prokurores së Përgjithshme të Përkohshme , Arta Marku, është thirrur për me datë 04 tetor në orën 10:00 në ambientet e “Hotel Tirana”, një mbledhje ku ftohen prokurorët e prokurorive të gjithë niveleve për zgjedhjen e anëtarit prokuror të Këshillit të Lartë të Prokurorisë.
Në këtë mbledhe theksohet se pjesmarrja është e detyrueshme, ndërsa përjashtohen nga ky detyrim prokurorët që për arsye të shërbimit të gatishmërisë në prokurorinë përkatëse ose për arsye të tjera objektive, nuk mund të jenë të pranishëm.
Kjo mbledhje zhvillohet në kuadër të organeve të qeverisjes së sistemit të drejtësisë, pas përfundimit të verifikimit të kandidaturave të prokurorëve Esmeralda Keshi dhe Vladimir Mara.
Në një kohë kur Gentian Osmani u shkarkua nga Kolegji i Posaçem i Apelimit, dy kandidatë kanë aplikuar për të zënë vendin e tij në këtë institucion.
Vladimir Mara dhe Esmeralda Cami kanë aplikuar për anëtarë të KLP.
Esmeralda Cami është drejtuese e Prokurorisë Dibër, e cila nuk mund të merrte dosjen 184 pas pas shpalljes së moskompetencës nga Krimet e Rënda dhe kalimit të saj në Dibër për shkak të konfliktit të interesit.
Vladimir Mara, prokuror i çështjes Tahiri e 339, u skualifikua nga gara për SPAK.
Në një nga pikat e rendit të ditës në mbledhjen e disa ditëve më parë, KLP kishte ndërprerjen si e përkohshme të Esmeralda Camit në Prokurorinë Dibër.
Gent Ibrahimi tha: Esmeralda Cami, ka kërkuar të dorëhiqet nga pozicioni si kryeprokurore në Dibër dhe të jetë në garë për anëtare e KLP.
(F.GJ/FAXWEB.AL)
Discussion about this post