Tenistja e njohur serbe Ana Ivanovic, fare papritur ka vendosur të heqë dorë nga sporti në moshën 29 vjeçare.
Lajmin tenistja e ka bërë të ditur vet në profilin e saj zyrtar facebook, nëpërmjet një video.
“Nuk ka mënyrë tjetër për ta thënë këtë. Kam vendosur të tërhiqem nga tenisi profesionist. Ishte vendim shumë i vështirë, por kam shumë për të festuar”, u shpreh sportistja serbe.
“Kam fituar shumë në karrierë, por që të mbetesh në nivele të tilla duhet të jesh në formën më të mirë fizike. Siç e dini, jam prekur shumë nga dëmtimet, çka nuk më ka lejuar të jap më të mirën time. Prandaj, është koha për të ecur përpara. Mos u ligështoni, por jini optimistë përkrah meje”, shtoi 29-vjeçarja, e cila do të jetë ambasadore e Sportit dhe Jetës së Shëndetshme për UNICEF-in. (M.D/SHUPLAKA)
