Përjashtimi i Sali Berishës nga grupi parlamentar i Partisë Demokratike është kryefjala e ditëve të fundit në vendin tonë.
Gjatë intervistave në “Fax News”, qytetarët japin mendimin e tyre për vendimin e Lulzim Bashës i cili përjashtoi liderin historik të demokratëve me kërkesë të Amerikës e cila e shpalli “Non Grata”. ”
“Berishën duhet ta kishte përjashtuar me kohë, Sali berisha i ka bërë gjithë të këqija këtij vendi që në 90 deri në sot. Mbas Saliut të largohet edhe Luli”, thotë një qytetar.
“Ishte vendim i drejtë sepse ai dëmtonte veten e vet nëse nuk e përjashtonte. Berisha ka të drejtën e vet të reagojë ashtu”, tha një tjetër qytetar.
“Ishte Luftë e brendshme, në kushtet që ishte s’kishte rrugë tjetër Basha. Berisha reagimi i tij ishte i tepërt mund ti bënte më parë jo tani që e përjashtoi. Kjo mund të sjellë forcimin e PD, përkohësisht është ndarë në dy kampe por mund të fuqizohet”, u shpreh një qytetar.
“Berisha është elita por duhet ti lërë vendin të rinjve. Basha është më i mirë, Berisha kishte kohën e vet. Berisha bëri gabim dhe nuk janë të vërteta duhen të mbulohen për të dal nga situata. PD nuk është përçarë PD do bëhet më e fortë”, tha një qytetare.
