Ndërsa pritej një vendimi i mundshëm ditën e sotme, klubi i Skënderbeut nëpërmjet një reagimi ka sqaruar se nuk ka asnjë vendim nga CAS – Gjykata e Arbitrazhit Sportiv për korçarët pas kërkesë së tyre për pezullimin e efekteve të vendimit të komisionit të apelit pranë UEFA-s.
Korçarët bëjnë të ditur se vendimi mund të merret brenda jave, por ende nuk ka asgjë të konfirmuar.
Reagimi:
Duke ndjekur me vëmëndje interesin e treguar gjatë ditës së sotme në lidhje me një vendim të mundshëm nga CAS – Gjykata e Arbitrazhit Sportiv, dëshirojmë t’iu bëjmë me dije se nuk ka ende një vendim në lidhje me kërkesën e paraqitur nga KF Skënderbeu.
– Ashtu si edhe ju kemi njoftuar paraprakisht, Klubi i Futbollit ‘Skënderbeu’ ka paraqitur në CAS, kërkesën për pezullimin e efekteve të vendimit të komisionit të apelit pranë UEFA-s dhe jemi në pritje të një vendimi i cili pritet të merret brënda kësaj javë.
– Duke marrë shkas nga paqartësitë e shfaqura, interesin e madh dhe pritshmeritë tuaja ju informojmë se nuk ka një datë ose orar të paracaktuar. Në momentin që klubi do të njihet me vendimin, do të bëhet publik për mediat dhe opinion publik.
Faleminderit për mirëkuptimin!
Me respekt,
KF Skënderbeu
(B.H/Faxweb)
Discussion about this post