Ish-trajneri i Partizanit, Andrea Agostineli, ka reaguar në lidhje me vendimin e Komisionit të Etikës për t’i hequr titullin kampion skuadrës së Skënderbeut.
Agostineli, i cili ka qenë trajner i Partizanit në gjysmën e dytë të sezonit 2015-2016, ka thënë se nuk është njëlloj sikur ta fitosh titullin në fushë, por sipas tij nëse ka patur shkelje rregullash atëherë do të them se kam fituar kampionatin në Shqipëri.
Ç’të them, nuk është e njëjta gjë si ta fitosh në fushë në javën e fundit, por nëse dikush e fiton një kampionat pasi ka rregulla që nuk janë respektuar, atëherë patjetër që do të them që kam fituar titullin në Shqipëri.”ka thënë ai për “supersport”.
Ai gjithashtu tha se pret zyrtarizimin për të deklaruar se ka fituar një titull në Shqipëri, kjo gjë sipas tij do të ishte e rëndësishme edhe për të.
“tani pres zyrtarizmin. Natyrisht që ndihem i kënaqur pasi ne që jemi në këtë zanat punojmë për tu vlerësuar, dhe nëse do të fitoja këtë titull do të ishte diçka e rëndësishme”, tha ai.
Italiani tha gjithashtu se atë vit Partizani e ka merituar titullin kampion por fatkeqësisht e mori Skënderbeu. (B.H/Shuplaka)
Discussion about this post