Në vijim të masave parandaluese të Ministrisë së Shëndetësisë kundër virozës së gripit që ka mbërthyer vendin, Qeveria vendosi që datat 4, 5 dhe 6 janar 2017, të jenë ditë pushimi për një nga prindërit që kanë fëmijë të mitur që frekuentojnë çerdhet, arsimin parashkollor dhe arsimin fillor, që janë nëpunës civilë dhe punonjës të tjerë të administratës publike, të nivelit qëndror dhe vendor, si dhe në institucionet e tjera shtetërore.
Pas këtij vendimi ka patur shumë reagime në rrjetet sociale, ku nuk kanë munguar as notat e ironisë dhe humorit. Një prej tyre ka qenë edhe gazetari Klodian Tomorri.
“Meqë e kishit me merak ju. Sapo e nxorri urdhrin Rama që njëri nga prindërit që punon në administratë do jetë pushim deri në datë 9. Tani i futi në sherr robt ky. Do zihet burri me gruan kush ta bëj pushim”, shkruan gazetari Klodian Tomorri.
Menjëherë ka reaguar edhe aktori i humorit Julian Deda, i cili vijon ironinë e Tomorrit.
“Klodian Tomorri po neve që nuk jemi të dy ne administratë?! Pyete pak”, shkruan Deda.
Qeveria i ka bërë thirrje edhe të gjithë punëdhënësve privatë që të gjejnë mundësitë për trajtimin me pushim të një nga prindërve që kanë fëmijëve të mitur. (A.R/SHUPLAKA)
