Ditën e sotme ka dhënë dorëheqjen gjyqtarin Genci Sinjari, pranë Gjykatës Aministrative të Shkallës së Parë Durrës, njëkohësisht dhe kryetar i kësaj gjykate.
Mësohet se largimi i Sinjarit ka ardhur për arsye familjare, pasi ai është larguar drejt Shteteve të Bashuara të Amerikës.
Ndërkohë në vend të tij do të vendoset gjyqtarja Marjana Velçani (Idrizi), për të kryer përkohësisht detyrën e kryetarit të Gjykatës Administrative të Shkallës së Parë Durrës.
Vendim Nr. 28, datë 09.05.2017
PËR
DEKLARIMIN E MBARIMIT TË STATUSIT TË MAGJISTRATIT DHE TË MANDATIT TË KRYETARIT TË GJYKATËS, PËR SHKAK DORËHEQJEJE, TË GJYQTARIT GENCI SINJARI
Këshilli i Lartë i Drejtësisë i mbledhur më datë 09.05.2017, mbështetur në nenet 63, pika 3 germa “a”, 64, dhe 160, pika 1 germa “a”, të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, si dhe në kërkesën për dorëheqje për arsye shëndetësore dhe familjare, të gjyqtarit Genci Sinjari, pranë Gjykatës Administrative të Shkallës së Parë Durrës, njëkohësisht edhe kryetar i kësaj gjykate (regjistruar pranë KLD me aktin nr. 1651 prot., datë 02.05.2017),
V E N D O S I :
- Të deklarojë mbarimin e statusit të magjistratit, për shkak të dorëheqjes, për gjyqtarin Genci Sinjari, pranë Gjykatës Aministrative të Shkallës së Parë Durrës, njëkohësisht dhe kryetar i kësaj gjykate.
- Të komandojë gjyqtaren Marjana Velçani (Idrizi), për të kryer përkohësisht detyrën e kryetarit të Gjykatës Administrative të Shkallës së Parë Durrës.
Ky vendim hyn në fuqi menjëherë.
PËR KËSHILLIN E LARTË TË DREJTËSISË
(S.SH/Shuplaka)
