Presidenti Ilir Meta në studion e emisionit “Real Story” në Vizion Plus i pyetur për shqetësimin kryesor rreth negociatave për marrëveshjen e detit me Greqinë është shprehur se ai është vendimi i Gjykatës Kushtetuese dhënë për marrëveshjen e vitit 2010.
“Unë jam në përmbushje të detyrës sime që është e veçantë për shkak të marrëveshjes që është e jashtëzakonshme dhe për shkak se Gjyata Kushtetuese në prill 2010 ka përcaktuar një doktrinë të posaçme juridike për marrëveshje të tilla dhe për ribërjen e një marrëveshje të mundshme me Greqinë në të ardhmen.
Ky vendim është kushtetutë për këtë çështje, për mua dhe për të gjitha institucionet shqiptare.
Nga ana formale kushtetuese, çdo mungesë respektimi e plotë e pikave të Gjykatë Kushtetuese, nesër mund të përdoret për ta atakuar këtë process nga ana kushtetuese.
Vendimi i Gjykatës Kushtetuese është shumë konkret, dhe çdo çështje ka të bëjë jo vetëm me anën formale por edhe me platformën e negocimit.” – u shpreh Meta në “Real Story”
(E.L/Faxweb)
