Pa dhunës, fyerjeve dhe sharjeve në Kuvend, në javën që lamë pas, duket se festat kanë sjellë edhe qetësimin e palëve politike.
Kryetarja e LSI. Monika Kryemadhi është takuar me Kryetarin e Kuvendit Gramoz Ruçin, në prani të Kryepeshkopit Anastas Janullatos.
Kryetarja e LSI, Monika Kryemadhi, e ka përkrahur vendimin e Presidentit Meta për t’i dhënë Kryepeshkopit Anastas Janullatos nënshtetësinë shqiptare. Pasi e ka uruar Kryepeshkopin në Katedralen Ortodokse, Kryemadhi u shpreh:
“Dua të uroj shqiptarët që këto Krishtlindje të jenë sa më të mbara dhe t’u uroj dashuri, paqe, mirësi dhe begati. Nga kjo Katedrale dua t’u uroj shqiptarëve edhe Vitin e ri bashkarisht, sepse është shumë e rëndësishme që në këtë ditë të shënuar të lindjes së Krishtit të kemi paqe, më shumë zhvillim për fëmijët tanë që meritojnë më shumë”.
Znj.Kryemadhi, a jeni dakord për dhënien e shtetësisë kryepeshkopit Janullatos?
Sigurisht që jam dakord, të mos harrojmë që është një nga vendimet më të vonuara që bën politika shqiptare. Kam përshtypjen se Janullatos e do më shumë Shqipërinë se ç’e do nga njëherë politika shqiptare.
(E.K/FAXWEB)
Discussion about this post