Vendimi për gjyqtarin Lulo, reagon Rama: 17 gjyqtarë e prokurorë i shpëtuan procesit, s’keni parë gjë akoma!

Kryeministri Edi Rama ka reaguar pas vendimit të Komisionit të Pavarur të Kualifikimit, ku u shkarkua gjyqtari Fatos Lulo.

Në një status të shkurtër në Facebook, Rama shkruan se kjo ditë është një ditë ku shqiptarët ndihen më mirë.

Më tej Kryeministri thotë se realisht nuk “është parë gjë akoma”.

Rama shton se pa nisur procesi i Vettingut, 17 gjyqtarë dhe prokurorë janë larguar nga sistemi për t’i shpëtuar filtrit.

Reagimi i plotë:

“Të gjithë shqiptarët që e mbështetën fort Vetingun, sot duhet të ndjehen mirë sepse nisja është e mbarë? Pas 17 gjykatësve e prokurorëve që i ikën Vetingut pa filluar, procesi nisi e i pari që u mor në pyetje s’e justifikoi dot pasurinë dhe ra! Jam i bindur s’kemi parë gjë akoma??”

(F.G/Faxweb.al)