Vendimi për hapjen e negociatave me Shqipërinë, parlamenti hollandez nis diskutimet

Parlamenti hollandez prej rreth një ore po diskuton qëndrimin e saj në lidhje me çeljen e negociatave mes BE-së, Shqipërisë dhe Maqedonisë së Veriut.

Ndryshe nga parlamenti Gjerman që votoi me votë qëndrimin, Holanda ka një sistem krejt tjetër. Qeveria për këtë vendim konsultohet me parlamentin, por nuk është taksative të votojë siç kërkon parlamenti.

Parlamenti do të vendosë mbi votën e saj pro ose kundër këtyre dy shteteve, ndërsa vendimi përfundimtar do të jepet më 18 tetor nga KE.

Ministri i Jashtëm Blok po pyetet nga deputetët për qëndrimin mbi Shqipërinë dhe dallimin mes qëndrimit të Gjermanisë dhe atij që do të ketë Holanda.

Kujtojmë se pak ditë më parë ministri i Jashtëm Stef Blok theksoi pak ditë më parë se qëndrimi i vendit të tij do të jetë i ngjashëm me atë të mbajtur përpara verës, kur u theksua se nuk do të ketë negociata për Shqipërinë pa u plotësuar kushtet e qershorit të 2018. Blok ka theksuar se Shkupi dhe Tirana duhet të trajtohen të ndara në këtë proces.

“Zgjerimi është sërish në agjendën e tetorit. Jam i lumtur t’u përgjigjem pyetjeve që më janë bërë, por nuk do të ketë surpriza, pasi qëndrimi është i njëjtë me atë që diskutuam përpara verës. Besoj se Maqedonia e Veriut dhe Shqipëria duhet të vlerësohen në mënyrë të pavarur sepse janë dy vende të ndryshme me probleme të ndryshme dhe proges të ndryshëm. Unë tregova më herët se shkalla e progresit në Maqedoni është e madhe se në Shqipëri”, u shpreh ministri.

(M.Q/Faxweb.al)