“Vendos dikë tjetër në vendin tim”, Imami i përgjigjet Bashës. Për çfarë tjetër replikoi?

Ndërsa mbledhja e kryesisë së Partisë Demokratike vijon, Fax Neës informon me detaje të tjera.

Kryetari i PD, Lulzim Basha ka propozuar ngritjen e një grupi pune për ndryshimet statutore të cilat ka të drejtë t’i kryejë vetëm Kuvendi Kombëtar i partisë.

Gjithashtu në mbledhje është duke u diskutuar edhe një datë e mundshme për mbledhjen e Kuvendit Kombëtar të demokratëve.

Ndërkohë, Basha ka përfshirë në grupin e punës për ndryshimet statutore edhe dy prej zërave të tij kritikë, Gent Malko dhe Arben Imami.

Menjëherë ka ardhur refuzimi i Arben Imamit për të qenë pjesë e këtij grupi.

“Nuk jam për grupe pune, vendos dikë tjetër në vendin tim.” – mësohet të jetë shprehur Imami.

“Nuk jam dakord të ketë nxitim, nuk i kuptoj shkaqet. Nuk jam dakordë të mblidhet Kuvendi pa u thirrur Këshilli.” – është shprehur më tej ish-ministri i mbrojtjes.

Ndërkohë ende nuk ka një përgjigje nga anëtari tjetër i kryesisë, Gent Malko.