Vendoset data dhe ora e raundit të katërt për zgjedhjen e Presidentit

Nesër do të jetë  raundi i 4-t për zgjedhjen e presidentit të ri të Republikës.

Në Kuvend u zhvillua sot mbledhje për zgjedhjen e Presidentit të Ri. Për shkak të mungesës së emrit të një kandidati është djegur dhe raundi i tretë i zgjedhjes së Presidenti të ri. 

Dje, gjatë mbledhjes së Komisionit të Ligjeve, kryetarja Vasilika Hysi u ka kujtuar deputetëve se sot  do të organizoheshin dy seanca, ajo për votimin e projektligjeve dhe seanca në orën 15:00 për zhvillimin e raundit të tretë për garën presidenciale.

Konferenca e Kryetarëve ka vendosur se raundi i 4-t  do të zhvillohet nesër në orën 17:00. Sipas kushtetutës për raundin e 4-t mjaftojnë 71 vota për zgjedhjen e Presidentit.

Vasilika Hysi nga PS tha se komisioni priste emra për kandidatë por nuk është depozituar asnjë emër.

Edhe dy raundet e para për president janë djegur teksa nuk është paraqitur asnjë kandidaturë. Presidenti i Republikës zgjidhet me 5 raunde.

Ende zyrtarisht nuk po qarkullon asnjë kandidaturë për Presidentin. Nuk dihet nëse do të jetë një kandidaturë konsensuale, një figurë politike nga maxhoranca apo një figurë nga shoqëria civile.

(M.D/ Shuplaka)