Vendosi dy GPS në makinat e një qytetari në Pogradec, shpallet në kërkim autori i dyshuar (EMRI)

Detaje të reja nga vendosja e dy pajisjeve GPS në dy automjetet e shtetasit Eris Çekani mëngjesin e ditës së djeshme në Pogradec

Policia e Pogradecit ka shpallur në kërkim, Sindi Syzo si autor i dyshuar.

Njoftimi i Policisë:

Pogradec

Në vijim të informacionit paraprak të dhënë ditën e djeshme, për vendosjen e 2 pajisjeve GPS, në automjetet e shtetasit E. Ç., që jepeshin me qira prej tij, ju bëjmë me dije se:

Specialistët për Hetimin e Krimeve të Komisariatit të Policisë Pogradec kanë vijuar hetimet, në bashkëpunim me Prokurorinë e Pogradecit, me qëllim zbardhjen dhe dokumentimin e plotë ligjor të këtij rasti. Në përfundim të veprimeve të para hetimore, u referuan materialet në Prokurori dhe u shpall në kërkim autori i dyshuar i këtij rasti, shtetasi S. S., 28 vjeç, banues në Pogradec, për veprën penale “Ndërhyrje të padrejta në jetën private”.

Materialet procedurale i kaluan Prokurorisë, për veprime të mëtejshme.