Komisioni i Venecias ka miratuar opinionin e saj me gjithë amendamentet e propozuara nga Partia Demokratike, ndërsa është shprehur se propozimet për Vetingun e politikanëve nuk janë të realizueshme. Sipas Venecias propozime të tilla mund të sjellin në të ardhmen abuzime me pushtetin, duke goditur kundërshtarët.
Ky vendim i Venecias është lexuar ndryshe nga PD-ja dhe PS-ja. Demokratët nxituan të thonin se Venecia pranoi propozimet e tyre duke i hapur rrugë Vetingut, ndërsa kryeministri Rama ka reaguar pak minuta më parë, duke thënë të kundërtën. Sipas tij PD-ja është kthyer në një parti joserioze për sytë e qytetarëve.
“Eh Artist, s’më vjen mirë për ty, po ti s’ve mend! Vate e u mbyt në ujin e Venecias edhe Gjojavetingu yt, një nga ato manovrat e tua në xunkth që e kanë bërë PD aq shumë joserioze në sytë e njerëzve, sa jeni hedhur në ilegalitet për të penguar Dialogun mes studentëve e qeverisë”, shkruan Rama.
(E.K/FAXWEB.AL)
Discussion about this post