Venezia starton festivalin e karnavaleve, shqiptarët pjesë e biznesit të maskave të famshme

Ka startuar mbrëmjen e së shtunës festivali i karnavaleve në Venecia.

Ky festival zgjat rreth tre javë dhe pjesë e tij, bëhen rreth 10 milion vizitor nga e gjithë bota. Tradita e këtij festivali ka startuar në shekullin e 11 ku vendas dhe turistë, mund të fshehin identitetin e tyre pas maskave të famshme veneciane.

Fax News ka mësuar se pjesë e kësaj tradite kulturore janë bërë edhe një grup shqiptarësh nga Shkodra të cilët zhvillojnë kulturën e këtij qyteti turistik.

Arlind Ishmaku është një prej tyre, i cili në bashkëpunim me disa italianë ka mundur të hapë një atelie për tregtimin e maskave.

Edhe pse tradita e maskave është mjaft e hershme, simbolika e saj është mjaft aktuale.

E  veçanta e maskave të Venecias është se janë plotësisht punim dore.

Arlindi tregon dhe historinë e një maske që është mjaft interesante.

Edhe pse kulmin e tregtimit e kanë gjatë festivalit të karnavaleve, ky biznes sipas Arlindit është i zhvilluar edhe në periudha të tjera të vitit

Janë rreth 100 shqiptarë të cilët zhvillojnë artizanatin e përpunimit të maskave në Shkodër e më pas i tregtojnë ato në Venezia të Italisë.

(F.M/Faxweb)