Administrata Tatimore u bën apel bizneseve të tregohen të kujdesshme lidhur me përdorimin e pajisjeve fiskale dhe të mbajnë në kujtesë detyrimin për mbajtjen e dokumentacionit tatimor.
“Detyrimin për lëshimin e kuponit tatimor, neni 54 dhe 55 i Ligjit nr.9920 datë 19.5.2008 “Për procedurat tatimore në RSH” i ndryshuar, sipas të cilit, për çdo transaksion shitje me para në dorë tatimpaguesi detyrohet të lëshojë kuponin tatimor prej pajisjes fiskale, të dhënat e së cilës duhet të transmetohen çdo ditë në sistemin e integruar tatimor.”, përcjell revista “Monitor”.
Administrata Tatimore vazhdon të monitorojë çdo ditë fluksin e lëshimit të kuponit tatimor, deklarimin e xhiros dhe numrin e transmetimeve për çdo tatimpagues.
Deri tani, nga analizat dhe monitorimet e kryera, është evidentuar ulja ndjeshëm e kuponave të lëshuar ose mosrespektimi i transmetimit të të dhënave elektronike, duke u bërë kështu objekt seleksionimi për verifikim në vend nga strukturat e zbatimit të hetimit tatimor.
Bizneset sugjerohen të kenë kujdes pasi në rast konstatimi parregullsish, Administrata Tatimore do të aplikojë parashikimet e ligjit ku përveç aplikimit të detyruar të dënimit administrativ, do të kryejë vlerësime alternative për një periudhë tremujore dhe ndryshimin e përgjegjësive tatimore.
(XH.A/SHUPLAKA)
Discussion about this post