Veriu i vendit është përfshirë këtë të hënë nga reshje intensive dëbore. Situata është më problematike në aksin Bogë-Theth, ku firmat kontraktuese po punojnë për pastrimin e segmentit me qëllim mbajtjen e rrugës të hapur për qarkullim. Ndërkohë, në Qafë-Thore dëbora arrin mbi 1 m e gjysëm, ku sipas raportimeve të banorëve ka edhe rrezik orteqesh…
Drejtuesve të mjeteve u rekomandohet përdorimi i zinxhirëve dhe gomave dimërore. Edhe në segmentin Qafë Mali – Fierzë ka reshje dëbore me intensitet të ulët, pa shkaktuar probleme për qarkullimin.
Në territorin e Bashkisë Shkodër nuk kanë munguar reshjet e shiu me intensitet mesatar deri të lartë, por nuk ka raportime për situata problematike. Edhe në Bashkinë Malësi e Madhe ka reshje shiu me intensitet të lartë dhe erë të fortë.
