Ndarja nga jeta e kantautorit Françesk Radi ka prekur jo pak zemrat e familjarëve, miqve po dhe të gjithë atyre që u rritën me muzikën e tij. Një nga bashkëpunimet e tij më të veçanta ka qenë dhe ai me këngëtaren Mariza Ikonomi ‘’Telefonatë Zemrash’’.
Me një shkrim të gjatë ajo ka rrëfyer momentet e para të njohjes së tyre dhe sesi mes shumë këngëtarësh të vegjël ai kishte zgjedhur pikërisht atë për ta kënduar së bashku këngën.
Shkrimi i Marizës:
Eh profesor i dashur…
Nuk e harroj kurrë momentin kur erdhe në pallat të pionierit dhe kërkoje një vajze te vockel per te kenduar kengen “Telefonate Zemrash”. Nuk e harroj kurre momentin kur me zgjodhe mua.
Vërtet më zgjodhe mua por edhe unë të zgjodha ty , qe kur pashe tek ty nje Artist te Madh me nje profesionalitet te hekurt dhe nje zemer te paster e te kulluar si ajo e nje femije ashtu sic isha edhe un. Mezi prisja oret e provave qe te kendoja kengen.
Ajo kenge vertet ishte dhe mbeti nje thirrje e bukur zemre dhe sot rreh edhe me fort ne zemren time dhe vazhdon kendon… A mund t’ja shuajme diellit ate zjarr, a mund t’a shterim nje oqean, Ashtu nuk treten edhe ndjenjat e mia per ty , le te jemi sado larg Profesor, mik i dashur…
Discussion about this post