Deputeti i opozitës, Kastriot Islami, mendon se dorëzimi i kryeministrit Edi Rama është çështje kohe dhe asnjë lloj marifeti i tij nuk do të mundet ta shpëtojë dot. Kjo për shkak sipas tij të një arsye që do të shkaktonte një reagim më të tmershëm se sa skemat piramidale.
“Një arsye e tmerrshme që kur ta marrin vesh shqiptarët do tju rrënqethen mishrat dhe do të reagojnë sikur të ishin të kafshuar nga një gjarpër tmerrësisht helmues dhe menjëherë vdekjeprurës. Rama e di arsyen e vërtetë dhe po përpiqet të gjejë një mënyrë për të dalë nga rrethimi dhe shmangur reagimin e ashpër e të paparashikueshëm të publikut.”, shkruan deputeti.
Në shkrimin e tij për “Syri.net”, ai shkruan se (vetë)largimi i Ramës është një ngjarje e sigurtë dhe qytetarët duhet të nisin të marrin masa së bashku me opozitën për formatin, detyrat dhe mandatin e qeverisë teknike.
“Qeveria “teknike” kujdestare e zgjedhjeve të lira e të ndershme duhet ti heqë Ramës dhe shpurës së tij cdo iluzion dhe mundësi jo vetëm për të mos qënë shumicë por as pakicë e klonuar e kësaj që është aktualisht.
Do të ishte fatale për vëndin dhe e me pasoja shumë të rënda për qytetarët deri në zhgënjyese për ta por edhe sigurinë e stabiltetin e vëndit, nëse Rama me të gjithë shpurrën e tij, do të largoheshin nga qeverisja nga qytetarët në protestë për tu rikthyer në pushtet përmes blerjes së votave me paratë e pista të korrupsionit, kërcënimit të votuesve me individët më rekorde kriminale dhe joshjes së qytetarëve me mekanizmin e kultivimit të kanabisit.”, vijon më tej Islami.
(XH.A/SHUPLAKA)
Discussion about this post