Dy ditë përpara vendimit të Bashkimit Evropian për hapjen apo jo të negociatave me Shqipërinë dhe Maqedoninë e Veriut, kryeministri Italian Giuseppe Conte do të jetë në Tiranë.
Conte viziton Shqipërinë ditën e nesërme ku e pret një takim me kryeministrin Edi Rama. Mësohet se takimi është në kuadër të çeljes së negociatave dhe marrëdhënieve mes dy vendeve.
Italia është një nga vendet që e ka shprehur qëndrimin e saj për një votë pozitive për Shqipërinë, ndërsa ditët afrohet ende ka vende si Franca dhe Holanda të cilat paraprakisht janë shprehur kundër një vendimi të shumë pritur nga shqiptarët.
Discussion about this post