Mëngjesin e sotëm u njoftua nga Ministria e Shëndetësisë për vdekjen e personit të pestë nga gripi në vendin tonë.
Ai është një fëmijë vetëm 3-vjeçar B. Z., i datëlindjes 06/05/2014 nga Shënkolli i Lezhës. Disa herë ai është paraqitur fillimisht në urgjencën e Spitalit të Lezhës dhe më pas ka qenë i shtruar atje, por gjendja nuk është përmirësuar.
Më pas është transportuar drejt Tiranës ku dhe është shtruar në Reanimacionin e Pediatrisë të QSUT-së, po kjo ka qenë shumë e vonë për vogëlushin.
Ndërkohë që për gjithë Shqipërinë ka patur një gjendje alarmante nga situata e epidemise së gripit për vogëlushin vetëm 3-vjeçar nuk është gjetur dot një zgjidhje nga mjekët.
Ndoshta vonesa në gjetjen e diagnozës, ndoshta mungesa e trajtimit të duhur në Spitalin e Lezhës, apo dhe vonimi për tu transportuar drejt Tiranës për një mjekim më të specializuar ndërprenë në mes njjjë jetë që sapo kishte nisur të hidhte hapat e parë. (E.K/SHUPLAKA)
