Një lojtar i Akademisë së Juventusit, vetëm 9-vjeçar, ka humbur jetën teksa stërvitej me skuadrën bardhezi në Nju Jork.
“Calcio Mercato” ka bërë të ditur se aksidenti tragjik ka ndodhur në akademinë e Juventus në Nju Jork, ku futbollisti i vogël Tommaso Cerase, është zënë poshtë nga porta.
Mamaja e Cerase-s, Barbara Riccardi, ndodhej gjithashtu në vendngjarje, kur ndodhi aksidenti që i mori jetën të birit.
Vogëlushi është dërguar menjëherë te “Roosevelt Hospital”. Mirëpo pavarësisht se mjekët kanë bërë të pamundurën për ta shpëtuar, përpjekjet e tyre kanë rezultuar të kota. Kjo ngjarje ka tronditur edhe klubin e Juventusit, për shkak se një yll i ardhshëm i futbollit, humbi jetën në fushën e tyre. (D.D/Shuplaka)
