Kreu i Kuvendit Ilir Meta, i ftuar në emisionin “Arena” të Dritan Hilës flet se si do të hyjë në zgjedhjet e 18 qershorit, vetëm apo në koalicion.
Pyetje kjo e cila nga dita në ditë po i kushtohet gjithnjë e më shumë rëndësi, për shkak të situatës së tensionuar politike, me opozitën në protestë, reforma të papërfunduara dhe debate kanabisi dhe korrupsioni.
Pas deklaratës së 3 prillit, Meta ka sqaruar se ende nuk është marrë vendimi përfundimtar, por kujton se i ka vënë kusht kreut të PS-së Edi Rama, të bashkëpunojë me opozitën.
BISEDA NË STUDIO
Hila: Flitet për një ndërmjetësim të Z.Lu për takim Rama-Basha, Basha ka thënë unë nuk bëj takime fasadë…ju
Meta: Roli im nuk është thjesht mediator. Nëse dikush thotë LSI të bëjë këtë rol, ne e pranojmë pavarësisht se jemi në situatë ku unë jam edhe kryetar kuvendi, pavarësisht, ne nxisim për dialog dhe presion pozitiv. Ne kemi treguar gatishmërinë tonë për gjithçka që kemi mundësi në funksion të një zgjidhje dhe padyshim ne do të marrim vendimet tona në varësi të ecurisë së këtij procesi. Vendimi ynë në çdo rast do jetë i moralshëm! Të jesh në opozitë nuk është fatkeqësi, përkundrazi është përgjegjësi e madhe dhe LSI padyshim ka një shpirt të fortë opozitar në kuptimin e mospajtimit me oportunizmin dhe këtë e ka treguar që ditën.
Hila: Të shpresojmë që gjërat të shkojnë mirë!
Meta: Të lumtë goja
Hila: Zakonisht unë jam i mbarë! Do hyni vetëm apo në koalicion në Zgjedhje?
Meta: Ky është një vendim që do merret në vijim. LSI e ka bërë të qartë qëndrimin e saj për të vijuar koalicionin e saj me PS, natyrisht nëse ajo e dëhsiron këtë gjë, por pret një frymë më të përgjegjshme për garantimin e një fryme bashkëpunuese me opozitën për zgjedhje. Midis të majtës dhe të djathtës, LSI zgjedh të majtën, por midis një procesi të lirë dhe të ndershëm dhe një farse, zgjedhjet e lira, midis diktaturës dhe demokracisë, zgjedh demokracinë. (D.D/Shuplaka)
Discussion about this post