Vetëm në dy orë, 3 ngjarje të rënda, djali i vë flakën nënës me benzinë dhe dy plagosje me armë

Tre ngjarje të rënda kanë toronditur sot vendin. 3 persona kanë ngelur të plagosur pas konflikteve të çastit. 

Vetëm  pak minuta më parë ka ndodhur një plagosje me thikë në zonën e Dukagjinit në  Shkodër mes dy nxënësve. Deri më tani raportohet se njëri prej tyre është goditur me thikë dhe ndodhet në gjendje të rëndë shëndetësore. Ai po dërgohet me helikopter drejt Tiranës për mjekim më të mirë. Ende nuk dihen rrethanat e ngjarjes dhe i plagosuri është është Sandër Nangu 17 vjeç.

Po kështu rreth një orë më parë një tjetër ka tronditur qytetin e Fierit.  Një person ka ngleur i plagosur me armë zjarri, pas një konflikti çasti. Sipas raportimeve, ngjarja ka ndodhur rreth orës 15:40, pranë vendit të quajtur “Portëz”. Mësohet se i plagosuri është dërguar me ugjencë në spitalin rajonal të Fierit. Ndërkohë policia ka identifikuar autorin dhe në prangat e policisë ka rënë Genci Bregu, 40 vjeç.  Po kështu nga policia është sekuestruar edhe arma me të cilin u qëllua personi me inicilae A.K.

Një ngjarje e pazakontë ka ndodhur në  qytetin e qetë të Korçës këtë mbrëmje. Një 32 vjeçar  ka rënë në prangat e policisë pasi ka tentuar të djegë nënën e tij, pas një konflikti për motive të dobëta, duke i hedhur benzinë në trup. I arrestuari është Emiljan Tushini, 32 vjeç, banues në Korçë, i dënuar më parë për veprat penale:”Vjedhja” dhe “Plagosje e lehtë me dashje”.

 Detaje:

“32-vjeçari më datë 13.02.2017, në lagjen nr 8 në Korçë, në banesë dyshohet se pas një konflikti për motive të dobëta me nënën e tij shtetasen M.T, 52 vjeç, i ka hedhur kësaj të fundit lëndë djegëse benzinë në trup dhe më pas i ka vënë flakën”. Për pasojë shtetasja M.T, ka pësuar djegie trupore dhe është transportuar për ndihmë mjekësore në Spitalin Rajonal të Korçës, ku ndodhet nën kujdesin e mjekëve. Emiljan Tushini, është larguar menjëherë nga vendi i ngjarjes, por falë veprimeve të shpejta e të mirëkoordinuara të shërbimeve policore, u bë e mundur kapja dhe arrestimi i tij, si i dyshuar për veprën penale “Vrasja për shkak të marrëdhënieve familjare, e mbetur në tentativë”. Materialet proceduriale iu referuan Prokurorisë të Rrethit Gjyqësor Korçë, për hetime të mëtejshme. (J.V/Shuplaka)