Vetëm gjatë fundjavës Policia e Elbasanit ka vënë në pranga tre persona nën akuzën e dhunës në familje. Personat e moshave të ndryshme janë arrestuar pasi kanë dhunuar nënën dhe bashkëshortet e tyre.
Kështu është bërë e mundur arrestimi i:
Besnik Bardhi, 46 vjeç banues në fshatin Godolesh Elbasan.
Arrestimi i tij, u bë pasi në banesë në gjendje të dehur dyshohet të ketë ushtruar dhunë fizike dhe psikologjike ndaj bashkëshortes shtetases F.B., 44 vjeçe.
Kujtim Sadiku, 52 vjeç banues në fshatin Gjinar.
Arrestimi i tij, u bë pasi në banesë për motive të dobëta dyshohet të ketë ushtruar dhunë fizike dhe psikologjike ndaj bashkëshortes shtetases B.S., 54 vjeçe.
Astrit Qyra, 45 vjeç banues në Elbasan.
Arrestimi i tij, u bë pasi në banesë për motive të dobëta dyshohet të ketë ushtruar dhunë fizike ndaj nënës së tij shtetases E.D., 68 vjeçe. Gjithashtu gjatë shoqërimit për në komisariat ky shtetas ka kundërshtuar punonjësit e policisë.
(E.K/FAXWEB.AL)
