Policia e Kukësit ka nisur hetimet për rastin e publikuar ditën e djeshme ku dhjetëra qytetarë u paraqitën në urgjencën e qytetit me të njëjtat simpotoma të vjella dhe diarre.
Deri më tani dyshohet se kemi të bëjmë me helmim, ndërsa efektivët kanë marrë të gjitha mostrat e duhura për të bërë ekzaminimet përkatëse.
Më herët kryetari i bashkisë së Kukësit, deklaroi se uji i pijshëm thjesht mund të ishte përzierë me atë vaditës por që nuk kishte asnjë lloj problemi sipas tij.
Njoftimi i Plotë:
Kukës
Strukturat e Komisariatit të Policisë Kukës, pas publikimit të videove në rrjetet sociale, me pamje nga rubinetat e ujit të pijshëm në fshatin Shtiqen, që dyshohet të jetë i ndotur, kanë nisur menjëherë hetimet për këtë rast.
Shërbimet e Policisë kanë marrë kontakt me specialistët e ujësjellësit të cilët kishin dijeni për ndotjen, dhe më pas kanë shkuar në Spitalin Rajonal Kukës, ku kanë konstatuar një numër të lartë personash nga disa fshatra të Kukësit, që janë paraqitur me siptoma helmimi.
Grupi hetimor i ngritur së bashku me specialistët e ISHSH Kukës, ka marrë mostra të ujit tek depoja qendore dhe në banesat e qytetarëve në të cilat ka patur ndotje uji, me qëllim përcaktimin e shkaqeve të ndotjes.
Po punohet për të marrë deklarimet e mjekëve, të cilët nuk kanë njoftuar në organet e rendit, në lidhje me këtë situatë.
Nën drejtimin e Prokurorisë së Rrethit vijojnë hetimet për zbardhjen e shkaqeve të ndotjes së ujit dhe vënien para përgjegjesisë ligjore të personave përgjegjës.
Discussion about this post