Kryetari i Veteranëve të Luftës së Ushtrisë Çlirimtare të Kosovës, Hysni Gucati është shprehur se këta të fundit i kanë ndjekur me shumë vëmendje ngjarjet e fundit në vend.
Ai ka thënë se Kosova tanimë i ka institucionet e veta, Presidencën, Kuvendin, Qeverinë, Policinë dhe FSK-në, për t’u mbrojtur si shtet kundër çfarëdo reagimi të Serbisë.
Por, sipas tij, nëse është e nevojshme, veteranët e luftës së UÇK’së janë të gatshëm t’i përgjigjen shtetit të tyre për çfarëdo ndihme.
Gucati ka folur edhe për protestën e thirrur nga OVL-UÇK në mbështetje të Ramush Haradinajt, e cila do të mbahet këtë të shtunë në Prishtinë.
Ai ka thënë për gazetën “Epoka e re” se në këtë protestë do të paraqesin disa kërkesa për Francën dhe institucionet e Kosovës.
Gucati u ka bërë thirrje institucioneve të Kosovës t’i bëjnë trysni Brukselit që Serbia t’i heqë nga Interpol’i emrat e ish-ushtarëve të UÇK-së. (A.R/SHUPLAKA)
