Një ngjarje e rëndë ka ndodhur ditën e sotme në Berat ku një 41-vjeçare, nënë e tre fëmijëve është gjetur e vetëvarur nga familjarët e saj.
Ngjarja ka ndodhur në fshatin Molisht të Beratit ndërkohë që shtetasja Merita Filaj mësohet se është vetëvarur në kasollën pranë shtëpisë.
“Kujdesuni për fëmijët e mi“. Kjo ka qenë kërkesa e 41-vjeçares për policinë në telefonatën e fundit që ka bërë në numrin 129 pak para se të vetëvarej.
Viktima nuk vuante nga asnjë formë depresioni por duket se kushtet e vështira ekonomike në të cilat jetonte, e kanë detyruar të ndërmarrë një akt të tillë ekstrem. Ajo jetonte në një banesë në fshatin Molisht, që ndodhet 3 km e veçuar larg banesave të tjera. Ajo jetonte me 2 vajzat e saj, ndërsa bashkëshorti dhe djali kishin emigruar në Greqi.
Burime nga policia bëjnë me dije se pas marrjes së telefonatës nga ana e e Merita Filajt, është lokalizuar vendi nga ku është kryer telefonata por në kohën që forcat e rendit kanë arritur në banesën e saj, 41-vjeçarja i kishte dhënë fund jetës.
Informacion paraprak
Sot më datë 25.03.2019 është gjetur e vetëvarur nga familjarët, në kasollen pranë banesës shtetasja M.F, 41 vjeçe, banuese në fshatin Molisht, Berat.
Nga kqyrja paraprake nuk janë konstatuar shënja dhune apo dëmtime të tjera nga ndonjë faktor tjetër.
Grupi hetimor po punon për zbardhjen e plotë të ngjarjes.
(F.GJ/FAXWEB.AL)
