Zyra e informimit e Lëvizjes Vetëvendosja, me anë të një deklarate janë shprehur të bindur se anjë nga deputetët e saj nuk do të votojë për Ramush Haradinajn si kryeministër.
Shkodran Hoti, është shprehur se këto janë vetëm spekulime dhe sipas tij asnjë nga deputet i VV-së nuk voton kandidat tjetër për kryeministër, pos atij të VV-së.
“Nuk ka asgjë të vërtetë, janë spekulime nga qasja e pushtetit por asgjë të vërtetë nuk ka këtu. Asnjë deputet i Vetëvendosjes nuk e voton kandidatin e PAN-it për kryeministër”, u shpreh Hoti.
Hoti gjihashtu shton se këta deputetë janë zgjedhur duke përfaqësuar parimet e dhe konceptin e Vetëvendosjes, ndaj dhe nuk mund të votojnë kandidat tjetër për kryeministër përveç Albin Kurtit.
“Ka qenë e ditur prej fillimit kë do e votojnë deputetët e Vetëvendosjes, gjithçka që është thëne më tej është shpifje…deputetet e vetëvendosjes janë zgjedh duke e përfaqësuar konceptin e Vetëvendosjes, programin dhe normalisht se ata e votojnë kandidatin e vetëvendosjes… gjithçka tjetër është shpifje e disa mediave që duan te shkaktojnë huti tek qytetarët”, tha ai. (S.SH/Shuplaka)
