Lëvizja Vetëvendosje në Tiranë ka reaguar me një status në rrjetin social Facebook në lidhje me shoqërimet e përsonave që janë bërë gjatë pròtestave tek Teatri.
Njëri nga të ndaluarit ishtye edhe vetë kreu i Vetëvendosjes Boiken Abazi.
Me atë të këtij shkrimi Vetëvendosja bën thirrje për lirimin sa më shpejt të protestuesve të ndaluar dhe do të vazhdojmë ta dënojmë formën e fortë autoritare që ka marrë pushteti në Shqipëri, i cili sot e trajtoi demokracinë me shkelmat e policisë ndaj qytetarëve dhe me ndalimet e mbajtjet e porositura të aktivistëve të caktuar në ambientet e paraburgimit.
Reagimin e saj Vetëvendosja e mbyll me një idenë e krijimit të një kulture të re politike. Kujtojmë se kjo lëvizje pak ditë më parë bëri një vit që nga themelimi i degës në Tiranë.
Postimin i plotë
Bashkimi në qëndresa e protesta, një kulturë e re politike
Gjatë gjithë ditës së diel, e cila filloi me shkatërrimin e Teatrit Kombëtar para se të agonte, ka patur shprehje të indinjatës e protestës qytetare. Anëtarë të kolektivëve e organizatave të ndryshme, qytetarë, njerëz të kulturës, të medias e të politikës kanë protestuar kundër aktit tinzar e barbar nga pushteti i Edi Ramës dhe Erion Veliajt, që natën e në mes të pandemisë vepruan me arbitraritet duke rrënuar një monument kulture, pjesë të trashëgimisë së Shqipërisë e të Evropës, pjesë të pashlyeshme të kujtesës së banorëve të Tiranës e cila po shpërfytyrohet nga pangopshmëria e pushtetit dhe e oligarkëve të ndërtimit.
Dhjetëra protestues janë arrestuar, një pjesë e tyre janë liruar më vonë, por disa ende po mbahen. Një pjesë e policëve të nxjerrë kundër protestuesve, nuk kanë patur numër të dukshëm identifikimi apo emër. Ende policia nuk po e njofton publikun për emrat e të ndaluarve dhe vendet ku ata po mbahen. Sipas informacionit që kemi, po mbahet ende në ndalim edhe drejtori i Qendrës së Lëvizjes VETËVENDOSJE! në Shqipëri, Boiken Abazi. Aktivisti Boiken Abazi, na treguan se do të mbahet 72 orë, pra në afatin maksimal të ndalimit, me urdhër nga strukturat e larta drejtuese të policisë. Ne besojmë se origjina e urdhrit është edhe më lart, në strukturat e pushtetit politik që drejton qeverinë.
Ne bëjmë thirrje për lirimin sa më shpejt të protestuesve të ndaluar dhe do të vazhdojmë ta dënojmë formën e fortë autoritare që ka marrë pushteti në Shqipëri, i cili sot e trajtoi demokracinë me shkelmat e policisë ndaj qytetarëve dhe me ndalimet e mbajtjet e porositura të aktivistëve të caktuar në ambientet e paraburgimit.
Bashkimi i shumë organizatave e qytetarëve në protestat e sotme e në muajt e vitet e shkuar në mbrojtje të Teatrit, flet për një kulturë të re politike, të cilës i trembet politika shterpë e regjimit të Ramës. Ata mendojnë se sot prishën teatrin e kombit. Por në fakt veç kanë sharruar përfundimisht skenën e teatrit të marionetave, që është e gjithë politika e tyre.
Discussion about this post