I nominuari i Vetëvendosjes për kryeministër të Kosovës, Albin Kurti, në një konferencë për media, i ka bërë thirrje koalicionit LDK-AKR-Alternativa që t’i bashkohet në krijimin e qeverisë së re.
Nënkryetari i LDK-së, Lutfi Haziri ka thënë se kjo thirrje e Kurtit është e vonuar.
“Mendoj që është e vonuar, është dashur të ndodhë dje. Sot përkundër që është e vonuar është e mirëpritur, i takon të bëjë veprime të tilla, ne jemi unik me partnerët e koalicionit. Ne garantojmë që në raport me PDK-në, historia e partneritet është mbyllur”, tha ai.
Ai nuk ka pranuar që të flasë nëse LDK e pranon Albin Kurtin si kryeministër.
“Nuk mund të flasë se nuk e kemi diskutuar, nuk e ka kërkuar Vetëvendosja këtë”, tha ai. (M.D/Shuplaka)
