Deputetja e Lëvizjes Socialiste Silva Caka, e stuar në ‘’Fax News” ka akuzuar mazhorancën dhe Ministrinë e Brendshme në mënyrë të veçantë, se ka gënjyer lidhur me ICITAP.
Sipas Cakës, nuk është e vërtetë që qeveria ishte konsultuar për ligjin për Vettingun në Polici me ICITAP. Kjo pasi dy nga rekomandimet më të rëndësishme të ICITAP nuk janë reflektuar në projektligj.
‘’Personalisht e kam pyetur përfaqësuesin e ministrisë së Brendshme në datën 19 shkurt, nëse ishin konsultuar me partnerët ndërkombëtarë, që një prej tyre është dhe ICITAP.
Përgjigja e përfqësuesit të Ministrisë së Brendshme ishte që jo vetëm ishin konsultuar, po ishin dhe pjesë e grupit të punës. Ndaj dhe nuk kishte nevojë që të kishte një reagim të shkuar ku të shpreheshin rekomandimet.
Çdo ligjvënës duhet ta dijë që bashkëpunimi me këto organizma nuk funksionon në këtë mënyrë, ‘’më the të thashë”. Prandaj unë se bashku me zotin Vasili dërguam një letër te ICITAP, dhe ata na thanë se ishin konsultuar me Ministrinë e Brendshme dhe kishin pasur madje dhe rekomandime të shkruara.
Dy prej rekomandimeve që janë dhe më të rëndësishmet nuk janë reflektuar: Hetimi i ligjshmërisë së procesit të marrjes së gradave; Trajnimi i anëtarëve të Komisioneve që do të vlerësojnë punonjësit e policisë”, u shpreh Caka.
(E.K/FAXWEB)
Znj. deputete kam shume respekt per ju por duhet qe me amendamentet qe do te paraqisni duhet te mbroni policet e te mos jene vetem per ceshtje politike pasi mendoj se viktima te ketij kontrolli do te mbeten policet e thjeshte, te cilet nuk jane derguar kurre ne trajnime, nuk u eshte dhene mundesia e rritjes profesionale, por edhe ata qe me ndihmen e familjareve te tjere, femijeve, vellezerve e motrave mund te kene krijuar ndonje pasuri, qe ne nje ekonomi informale qe ka patur vendi, nuk e kane te lehte tashme ta vertetojne dhe justifikojne burimin e tyre. Ke shume police qe i kane femijet jashte vendit, rrefugjate, qe punojne pa letra. Si do te mund ta justifikojen pasurine, shtepite apo edhe bizneset e kane? Asgje nuk eshte bere pa dijenine dhe lejen e drejtuesve te policise, keshtu qe ne vetting duhet te kalojne shefat e komisariateve dhe drejtoret e te mos mundohen te gjene viktima, policet e thjeshte, qe me pas ministri te dale te te krenohet se ja kemi hequr kaq police sepse nuk kaluan vettingun. Ky eshte nje turp qe po behet me ata punonjes qe po japin jeten per kete vend, qe punojne dite e nate, ne cdo lloj kohe e moti, e nuk vleresohen te pakten as me pagen per punen qe kane bere, se nuk kane kerkuar me shume, por kane me qindra e mijera ore te papaguara, detyrime qe shteti nuk ua ka paguar nder vite. Kur ministri permend Angline, qe edhe atje u behet vetting cdo vit policeve, pse nuk foli edhe per kushtet qe punojne, pagen qe marrin, a u del apo jo?