Gjyqtarja Vitore Tusha e cila do të kalojë sot në procesin e Vetingut apo të rivlerësimit nga Gjykata Kushtetuese, ka mbërritur në seancën e Komisionit të Pavarur të Kualifikimit.
Nga burime të brendshme mësohet se ky komision po shqyrton dhe 5 ankesa nga qytetare të ndryshëm.
Trupa gjykuese kryesohet nga Alma Faska, ndërsa gjyqtarja Tusha mbrohet nga avokati Arben Llanaj. Relatorja Valbona Sanxhaktari ka deklaruar se ILDKP raportoi se pasuria e gjyqtares justifikohej me burime të ligjshme.
Gjyqtarja Tusha po pyetet për burimin e pasurisë së saj, por edhe sa i takon pikëpamjeve profesionale për vendimet e marra në disa dosje gjyqësore që ka kaluar në dorë.
Sipas ILDKPI, në vitin 2008 gjyqtarja Tusha kishte 4.3 milionë lekë pasuri, ndërsa në vitin 2015 regjistronte 13.4 milionë lekë.
(M.Q/Faxweb)
Discussion about this post