Kreu i Gjykatës së Lartë, Xhezair Zaganjori është përballur sot procesin e ‘Vettingut’ i cili u paraqit i vetëm në seancën dëgjimore, duke mos zgjedhur të mbrohet me avokat, ndërsa KPK-ja raportoi disa gjetje që cënojnë figurën e Zaganjorit si gjyqtar.
Gazetari Erli Murati më anë të një shkrimi në rrjetet sociale vlerëson punën e kreut të Gjykatës së Lartë.
Murati shkruan se Xhezair Zaganjori mund të mos e kalojë vetingun, por ka të paktën një gjest, një vendim që i jep atij moralisht një dekoratë mirënjohjeje në historinë e jurisprudencës shqiptare.
Postimi i plotë
Pas 40 vitesh pune, Xhezair Zaganjori mund të mos e kalojë vetingun, por ka të paktën një gjest, një vendim që i jep atij moralisht një dekoratë mirënjohjeje në historinë e jurisprudencës shqiptare.
Në nëntor të vitit 2009, vota e Xhezair Zaganjorit ishte vendimtare (votimi 5 me 4) për kalimin në seancë të marrëveshjes me Greqinë për përcaktimin e kufijve detarë.
Dihet që kjo gjykatë vendosi një vit më vonë ta quajë atë antikushtetuese dhe për herë të parë në historinë e Shqipërisë të rrëzojë një marrëveshje mes dy shteteve.
Po të mos ishte relatori i çështjes, Xhezair Zaganjori, ky pakt famëkeq sot mund të ishte në fuqi dhe vendi im do të kishte 350 km2 territor më pak.
Kaq mjafton që kryetari i Gjykatës së Lartë ta kalojë sot, të paktën, “vetingun patriotik”.
Discussion about this post