Kryeministri Edi Rama ka mbërritur dje në Dubrovnik ku po merr pjesë në Samitin ekonomik 16+1 të Ballkanit Perëndimor me pjesëmarrje edhe të Kinës.
Në këtë samit marrin pjesë liderë shteteshe qeverish të vendeve të Ballkanit Perëndimor dhe nga Kina.
Ndërkohë që mediat greke bëjnë të ditur se paraditen e sotme kryeministri Edi Rama do të zhvillojë një takim ‘’kokë më kokë” me kryeministrin grek Aleksis Tsipras.
Takimi pritet të fokusohet në temat e nxehta që janë ende pezull mes dy vendeve, sidomos ajo e kufijve detarë dhe tokësorë mes Shqipërisë dhe Greqisë.
Marrëveshja mes Greqisë dhe Shqipërisë ka mbetur pezull për shkak të ndryshimeve në Ministritë e Jashtme të të dy vendeve tona.
Ndërkohë që së fundi situata është ashpërsuar edhe më shumë për shkak të ligjit për shpronësimin e pronave në bregdet, që sipas Greqisë cënonte të drejtat e minoritetit.
Për këtë Athina zyrtare kërcënoi Shqipërinë me veto në proceset e saj integruese, çka detyroi qëverinë Rama që të shfuqizonte vendimin, pa dhënë asnjë sqarim për qytetarët shqiptarë.
(E.K/FAXWEB.AL)
Discussion about this post